अपाङ्गता भएका बालबालिकाको अधिकार र समावेशी शिक्षा : नीतिबाट व्यवहारतर्फको यात्रा
नेपालका ग्रामीण तथा दुर्गम क्षेत्रमा अपाङ्गता भएका बालबालिकाका लागि विद्यालयसम्म पुग्नु नै पहिलो चुनौती रहेको छ।कतै सडक छैन, कतै विद्यालय टाढा छ, कतै यातायातको सुविधा छैन। विद्यालय पुगेपछि पनि समस्या समाप्त हुँदैन। धेरै विद्यालयका भवनहरू अझै अपाङ्गता भएका वालवालिकाहरुको लागी पहुंचयुक्त छैनन्।व्हीलचियर प्रयोग गर्नमिल्ने गरि र्याम्प तयार गरिएका छैनन् वा भए पनि मापदण्ड अनुसार बनेका छैनन्। अपाङ्गतामैत्री शौचालयको अभाव छ। दृष्टिविहीन विद्यार्थीका लागि स्पर्श संकेत, सुनाई सम्बन्धि अपाङ्गता भएका विद्यार्थीका लागि दृश्य सामग्री तथा सूचना प्रणाली र अन्य पहुँचयोग्य व्यवस्थाहरू अधिकांश विद्यालयमा उपलब्ध छैनन्।
